素炒飯

講開炒飯我都有要求架，材料要新鮮，唔用雪藏貨！

將原條粟米削粒，豆角切粒，紅蘿蔔切粒，素肉切粒，磨菇切片再飛水(避免炒飯時出水)。

炒飯時先煎兩隻蛋，再加蔥粒、蒜蓉、少少老抽及鹽兜炒而成。夠鑊氣之餘飯仲粒粒分明，飯質口感食落煙韌有蒜香，咁講似唔似食評家！

再加用新鮮材料煲既「蕃茄蔬菜濃湯」，這餐飯便更完美、更健康好味。 

版權所有，轉載請註明出處，未經許可，不得取用相片及文章。

下一篇食譜：膶腸珍珠雞